tschapatalpas_adm

About tschapatalpas_adm

Posts by :

Februar 6 2018

Margis Bel

Hüt hemer uf dia 18:45 Uhr bir Post in Domat/Ems abgmacht. Jeda Fasnachtszistig (Margis Bel) sind miar als verrückta Huufa verkleidet. Isch immer lässig z gseh, was für cooli verschiedeni Ideea üsi Mitglieder hend (vo Marionetta, Royal Canadian Mounted Police, Glüahwürmli, Turist, Bierhumpa, Mario&Luigi, Räuber, unglaublich echt ussehendi verkleideti Frau, usw. hets viel verschiedenes z gseh kha)
Am 19:19 Uhr hets den in Ems a Guggaumzug gä, natürlich inklusive da Tamboura. Nochher simer den wieder go gässla ganga mit Uftritt in verschiedena Restaurants in Ems.
As het wieder as paar Tschapis gä wo nit gwüsst hend wenn hai go. Vorem Calanda (wo Kater-Zmorga macha wür) simer jedoch den vor gschlossener Tür gstanda, was üs akli verärgeret het. Jonu, miar wüssend den scho wia üs anders beschäftiga. Dia übrig blibena Tschapis sind den eifach zäma zumana Tschapi hai und hend döta den no da Obig usklinga lo.

Februar 3 2018

Guugertreffen Schüpfheim

Nochdem das miar am Moorspektakel z’Ems gspielt hend simer den alli richtig Rümli gloffa zum üs schminka. Döt akho hemmer den entschieda dases an wilda Huufa git und sich jeda selber wünscha dörf wianer gschminkt wird. Wo den alli fertig gsi sind simer am 17:00 Uhr mitem Car richtig Schüpfheim gfahra zum Guggertreffa. Bir Rastätt Fuchsberg hemer widr an klina halt gmacht und es het widrmol MC Donalds geh. Nochdem das alli ihri Verpflägig gholt hend simer den witer richtig Schüpfheim gfahra. Nochhera gfühlta Ewigkeit simer den au amol akho. Den sind alli mool go z’Festgländ erkunda und dia einta hend den schnell z’Kaffeezelt ufgmischt. Am 20:30 Uhr hemer üs den alli widr bim Car troffa zum üsi Instrument hola. Nochher isches den au schu sowit gsi für üsa uftritt uf dr grossa Bühni (dia Bühni isch würklich riesig gsi für üs). Nochdem das miar gspielt hend, simer alli widr richtig Car gloffa zum t’Instrument versorga. Und den hets gheisssa «Saufen morgens, mittags, abends ich muss saufen» Im Ritstall akho hemer den da anderna Guggena zuaglosa, zwüschet da Uftritt het no ah hammer 80er Johr Coverband gspielt. Den isches au schu bald zwei gsi und miar hend üs uf da Haiweg gmacht. Dia Carfahrt isch sehr ruhig gsi do dia meista am Fritig an dr Emser Fasnacht schu richtig gfiirt hend.

Danka vielmol da Schüpfheimer Guggena für das grossartiga Fest.

Februar 2 2018

Fasnachtseröffnung (Sternmarsch) Ems

Am Fritig, 02. Februar hemer üs zum schminka troffa. Uf dia 19:00 Uhr simer den fertig gsi und hend üs uf da Weg gmacht zum den törfa am halbi 8ti an Sternmarsch Richtig Kern vo Domat/Ems zmacha. Miar hend zwei herzigi Knöpf dabi kha, so mini Tschapis.
Treffpunkt vo allna Gugga, wia au Tamboura isch den bim Schualhuusplatz Tircal gsi. Döta hend den alli no an Uftritt kha. Vorem Emser Publikum isch halt scho immer as meeega Highlight zum spiela. Macht riesig Spass in da Heimat törfa z spiela.
Mmmh… ash et sogar meega feina Wackentee gä bim Zelt ufem Schualhuusplatz. Nochem Uftritt hemer üs den uf da Weg gmacht zum Gässla, wia den au bi da verschiedena Restaurant z spiela.
Abschluss an dem Obig isch den am 00:00 Uhr im Calanda gsi. Drufab sind alli akli verteilt witer.

Januar 21 2018

Heuer Night, Witterswil (SO)

Endlich isches sowit und miar törfent mit üserer neua Schminki, wia au mit üsem neua Kostüm uftreta. Zersta Mol hemer an da Tschapi-Maniiie törfa üses neua Kostüm präsentiera, aber uswertig isches in Witterswil zersta mol gsi.

Miar hend üs riesig uf das Fest gfreut und sind bereits am halbi 8ti in Solothurn ako. Während da Carfahrt hets no a kurzi Mc Donalds Pausa gä und so simer den vollgstopft witergfahra. Dia bir Mc Donalds Buda in Fuchsberg kennend üs jetzt den au scho langsam. J

Mmmmh… an suuuper feina Kinderschoggi-Liqueur hets no gä (Merci Biba!)

Womer ako sind, hemer üs alli zwüscha d Lüüt gmischt. Dia einta hend sich nomol öpis z Essa gönt, anderi hend scho zum Flüssiga überi gwächslet.

Do miar das Johr as neus Gadget (a Militärbatch) hend, sind as paar fliessig am tüschla gsi, nomol anderi hend sich bir Shotbar ustoppt und natürlich nit gfählt hend dia andera Guggana, wo für super Stimmig gsorgt hend.

Üsa Uftritt am 22:50 Uhr het üs riesa Spass gmacht. Am Afang hemer mitamana Hej-Ho no d Lüüt akli in Stimmig brocht und den hets gheissa „huuuupa“ J

Kurz vor Mitternacht hemer üs den bir Shotbar troffa, do miar uf üsa „Morio“ astossa hend wella. Punkt am 00:00 Uhr het da Moderator a kurzi Asag gmacht, indem er natürlich üsem Morio alles Guati vo üs gwünscht het (natürlich nit vergessa z’säga hetter: „Hau ina Thomas“) Danka am Moderator vo da Noote Heuer J und da DJ het extra den no z Liad „Graubünda“ laufa lo… Was machent miar, miar hend üs d Stimm vor Seele gschraua… also definitiv geil gsi!!!

Danka viiel Mol da Noota Heuer für dä suuuper geili Obig!

Januar 20 2018

SPC Guggaball

Dä Samstig isch akli länger ganga. Miar hend am 12:30 Uhr mit da Schamaroper-Poper bir Stadthalla Chur abgmacht zum nomol zäma a kurzi Prob z’macha, wellmer am Obig denn au plant hend, mitanand ufztreta.

Nochera kurza Prob, hemer üs denn in an Nebaruum begä und hend döta üserna Gsichter Farb gä.

Am 15:10 Uhr isches den vor Stadthalla Richtig Manor ganga. Ufem Weg hemer denn natürlich no as paar Liader gspielt. Am Afang hettma scho fast denkt, miar sägend igrostet, do’s döt und döt amol akli falsch tönt het.

Womer den aber uf da Bühni bim Warm Up gspielt het, hemer wieder zeigt, dassmers jo glich aswia könnt.

Miar hend allna Guggana no ufmerksam zuagloset und den sind vorzua as paar mitem Bus vo Chur (Extrafahrt zur Stadthalla) gfahra. Döt ako hets an feina Znacht gä. Nochem Znacht hend d Schamaroper-Poper no as klises Spieli gmacht, damit dia langwirigi Ziit bis z’Fest agfanga het, schneller umagot. Leider hemer dia drei Meter Biar, wos für da Sieger gä het, nit könna in Beschlag nä. Da Luca hetti zwor gära amol aso a riesiga 3 Meter Becher mit Biar kha. (Schwerz, as het natürlich nit aso an grossa Becher voll Biar gä, wär aber schono cool gsi) Stattdessa hets drei Mol an Meter Biar gä!

Am 22:00 Uhr hemer üs parat gmacht für üsa Uftritt. Het wieder riesig Spass gmacht, vorallem halt vor da iheimischa Lüüt törfa Vollgas gä. A dazua kunnt no dassmer a Premiera kha hend und zwor hemmer a Fahna mitemana Fähnrich uf da Bühni kha. Miar hend als Verarschig immer amana Kolleg gseit, dassmer im a Fahna bsorgent dasser au amol mit üs zäma uf da Bühni isch. Er hets natürlich nit glaubt… aber aber, do hetter nit mit üserer Ehrlichkeit grechnet. Danka diar Daniel Iten fürs Fahna schwinga… egal ob dini eigeni oder üseri Vereinsfahna *grins*!

Noch üsem Uftritt hemer d’Instrument grad neba da Bühni aswo heratua, wellmer noch üsem Uftritt den grad no uf d’Bühni zu da Schamis hend törfa go mitspiela. Scho mega gsi mit so viel Lüt uf da Bühni stoh z‘törfa… Bi so Sacha kama definitiv säga: Musik verbindet!!

Aschlüssend hets den natürlich gheissa Paaaarteeey.

Super Fest gsi! Danka da Schamaroper-Poper!

Daniel Iten, üsera Fähnrich:

An Schnupf zum Warm Up:

Und do no paar schöni Bilder us dr Bildergalerie vo da Schamis:

Geburtstagsgschenkliübergab:

Januar 14 2018

20. Tschapi-Maniiie

Danke! Viel mehr fällt uns gerade nicht ein. Das war ein super Jubiläumsfest, Vielen Dank an alle Besucher und mitwirkenden Gastguggen. Eure originellen und aufwändigen Jubiläumsgeschenke haben uns sehr gefreut.

November 4 2017

Zupftest

„Zupftest“ – das war das Motto unseres Arbeitseinsatzes. Auf dem Murgangschutzdamm Val Parghera haben wir Stauden gepflanzt. Für einige ein völlig neues Arbeitsumfeld mit ungewohnten Begriffen – mit Wiedehopfen und Wegpickeln haben wir Berberitzen, Liguster, Hartriegel u. v. m gepflanzt. Mit besagtem Zufptest haben wir dann überprüft, ob die Pflanzen auch richtig im Boden halten. Schön und streng war’s.

Februar 18 2017

Guggaball Cazis

Am Samstig hemmr üs am 16:15 im Rümli besammlet. Bi da einta hettma no Farbspura vom Fritig gseh. Z’Schminkteam het üs wieder frischi Farb ins Gischt gschmiart, bi da einte hets meh Farb brucht bi da anders weniger…
Am 18:15 sind denn alli uf Cazis zum Guggaball gfahra. Danka dena wo sich bereit erklärt hend mitem Auto herazfahra.
D Instrument sind im Büsli oder in da Autos bliba. Bim Guggaball ako sind denn dia einta in d Halla, wo denn au d Guggana uftretta sind und anderi sind denn au scho z Essa bim Grill go hola. Am 19:10 hend denn vu jeder Gugga 2 Lüt uf d Bühni müassa, zum as Spiel z spiela, wer um welli Ziiit uftretta wird. Bi üs sind 2 Jungs ufa, da Serino und da Jan, wo wohl oder übel eifach bestumma worda sind. In dem Spiel het ma d Höhi vu 4 Berga in dr Nöchi müassa schätza. Obwohl miar eigentli in dem Spiel Vorteil ka hetten, hend miar vu öppa 10 Guggana leider nur da 6 Platz kholt. Mol, iahr hend das guat gmacht Serino und Jan… Miar sind mega stolz uf eu *grins*

Miar hend üs denn für d Uftrittsziit 23:30 Uhr entschieda. Am 23:15 hend mr üs besammlet zum d Instrument für da Uftritt parat z macha. Am 23:30 hend miar den uf dr Bühni üses Beschta geh.

Miar dankent da Gugga Scarnuzzer für das organisierta Fest!

Februar 17 2017

Fasnachtseröffnung Domat/Ems

Um 18:00 Uhr hemmr üs im Rümli troffa und sind vum Schminkteam gschminkt worda, sodass miar rechtzitig am 19:15 hend könna ablaufa. Am 19:30 het denn dr Sternamarsch zum Oberstufaschualhusplatz agfanga. Döta ako, hemmr denn bis am 21:30 Uhr ziit ka, da anderna Gugga und da Tambura zua zlosa und a paar Biarli z trinka. Um dia 21:40 uma hemmr üs denn besammlet zum uf dr Bühni a paar Liader z rocka. D Stimmig isch dr Hammer xsi. Noch üsem Uftritt, simmr denn ins Sterna, ins Roda und aschlüssend ind Halla go spiela. Het mega Spass gmacht. Um Mitternacht simmer denn fertig xsi. A paar sind denn hai ganga, anderi sind denn no länger bliba.

Februar 4 2017

Gschiirätä 20 Jahre Jubiläum der Stockbergschränzer aus Siebnen (SZ)

Yeah es goht nach Siebna. Am 16:30 hemmer üs im Rümli besammlet zum vu üsem super Schminkteam schön gmacht z’werda zum denn am 18:00 mit em Car Richtig Siebna and Gschiirätä vu da Stockbergschränzer döffa z’fahra. Nochera 1-stündiga Fahrt simmer den döt au ahkoh. D’Instrument sind im Car bliiba und mier hend üs uf das grossa Festgländ begeh. Die Einta hend mitem Znacht ahgfange, anderi hend ds Fest mit üsna Plakat für d Tschapimaniiie beschmückt und nomol anderi hend sich bim Karaoke singa d Seel vum Leib gschraua. Uf die 22:40 hemmer üs den wieder bim Car troffa bim zum üs für da Uftritt bereitzmacha. Miar hend denn in der Halla döffa üses Könna zum Besta geh. Noch üsem Uftritt ischs feuchtfröhlich wiiter ganga mit Karaoke singa, da andera Gugga zualoosa oder bima Piar neui Fründschafte z knüpfe bis es denn uf dia 2 wieder mitem Car uf da heiwäg ganga isch. Bis uf eina (wo liaber no akli witer het wella am Fest festa) sind alli mitem Car haigfahra. Miar hend uf da Haifahrt no witergfestet. Sogar üsi durchsichtig Wandertrophea (oder wia de Röschi wür säga de Grand Slam Pokal) het a paar Mol Iisatz kha. In Ems ahkooh hend a paar z End nonid wella gseh und hend sich no an der Bar vum Musica Konzert bis in dia früha Morgastunda verwiilet.